Ինչո՞վ է կորոնավիրուսի օմիկրոն շտամը վտանգավոր երեխաների համար

fc1a4190-71f8-11ec-b029-7b6ade9e174930534.jpg

Կորոնավիրուսի օմիկրոն շտամը կարող է ավելի վտանգավոր լինել երեխաների համար շնչուղիների առանձնահատկությունների պատճառով։ Նման կարծիք է հայտնել Նյու Դելիի բժշկական ինստիտուտի բժիշկ Անիմեշ Արյան։

«Երեխաների շնչուղիներն ավելի փոքր են, քան մեծահասակներինը, եւ այս նոր տարբերակն ազդում է հիմնականում վարակված հիվանդների վերին շնչուղիների վրա»,- պարզաբանել է մասնագետը։

Ըստ IANS-ի՝ վարակի ախտանիշներն են կոկորդի ցավը, թեթեւ ջերմությունը եւ հոգնածությունը:
Հիշեցնենք, որ Հայաստանում հայտնաբերվել է օմիկրոն շտամով պայմանավորված կորոնավիրուսային վարակի երկու դեպք։ Երկու դեպքն էլ «ներմուծված» են։

Երկու հիվանդների վիճակն էլ բավարար է, նրանք հոսպիտալացված չեն, երկուսն էլ տնային բուժում են անցնում։

 

NEWS.am Medicine