Կորոնավիրուսից հայտնի պատմաբան է մահացել․ նա երիտասարդ էր, ակտիվ ու շատ բան ուներ դեռ անելու

32ee9070-0550-11eb-b7cb-3fb18c332f87f5f782a8601d6b_5f782a8601e0e.thumb.png

Մահացել է ԵՊՀ պատմության ամբիոնի վարիչ, ՀՀ ԳԱԱ պատմության ինստիտուտում գործող «Հայոց պատմություն» մասնագիտական խորհրդի անդամ, պատմագիտության դոկտոր, պրոֆեսոր Արտակ Մովսիսյանը:

 
ՀՀ ԳԱԱ պատմության ինստիտուտը ցավակցական ուղերձ է հղել.

«ՀՀ ԳԱԱ պատմության ինստիտուտի տնօրինությունը և ողջ անձնակազմը իր անսահման վշտակցությունն է հայտնում ԵՊՀ պատմության ամբիոնի վարիչ, ՀՀ ԳԱԱ պատմության ինստիտուտում գործող «Հայոց պատմություն» մասնագիտական խորհրդի անդամ, պատմագիտության դոկտոր, պրոֆեսոր, սիրելի գործընկեր Արտակ Մովսիսյանի անժամանակ մահվան կապակցությամբ։

 
Ցավակցում ենք ընտանիքին, հարազատներին, բարեկամներին, գործընկերներին և ընկերներին»։

ՀՅԴ գործիչ Արթուր Եղիազարյանն իր ֆեյսբուքյան էջում գրել է. «Մեր ընկեր, հայ մեծ պատմաբան, ԵՊՀ պատմության ֆակուլտետի հայոց պատմության ամբիոնի վարիչ, պատմական գիտությունների դոկտոր Արտակ Մովսիսյանը գիշերը մահացել է... Մահվան պատճառը՝ covid-19»: